ဒီညအတွက်စတေးပစ်ခဲ့တဲ့နှလုံးသား

*ဗြုန်းဆိုထွက်ကျလာတဲ့ အတွေးတစ်စက

ယိုင်နဲ့နဲ့ နှလုံးသားတစ်ခုလုံးကို

ဆွဲထုတ်သွားတယ် …။

*မလွမ်းဘူး မလွမ်းဘူးလို့ အားတင်းထားတဲ့

ရင်ဘတ်ကြီးထဲ အလွမ်းမိုးတွေ

မဆံ့မပြဲတောင် သွန်းဖြိုးလိုက်မိပေါ့ …။

*ဆိုင်းမဆင့် ဗုံမဆင့်ရောက်လာခဲ့တဲ့

အလွမ်းတွေအတွက် မျက်ရည်တွေစတေးလိုက်ရတာ

အသက်ရှုသံတွေတောင် ပျောက်ရှသွားခဲ့ရဲ့ …။

*နှလုံးသားတစ်ခုလုံးရင်းပြီး

ကဗျာတစ်ပုဒ်ထွက်ကျလာတော့

အပိုင်းအစလေးတွေမှာ သွေးချင်းတွေ ရဲရဲနီလို့ …။

*ငါငိုဖို့ကျခဲ့တဲ့မျက်ရည်တွေ

ငါလွမ်းဖို့ရင်းနှီးရတဲ့ နှလုံးသားတွေ

တစ်စစီလိုက်ကောက်ဖို့ အချိန်မလုံလောက်ခဲ့ဘူး …။

မိုးညချမ်း

7.7.2013 (9:46 p.m)