*ခုတစ်လော ညညဆို အိပ်မက်တွေ
ခဏခဏမက်တယ် …
မင်းနဲ့ပတ်သက်တာတွေပေါ့ ….
*ဘယ်တော့မှ မေ့ဖျောက်မရနိုင်တဲ့
မင်းနဲ့ပတ်သက်တဲ့ အကြောင်းအရာတွေ
မင်းနဲ့ပတ်သက်တဲ့ အမှတ်တရတွေဟာ
တစ်နေ့ထက်တစ်နေ့
ငါ့ရင်ထဲမှာ မစဲနိုင်အောင်
အလွမ်းမိုးတွေ ရွာသွန်းနေဆဲပါ …
*မင်းနဲ့ပတ်သက်သမျှဟာ
ငါ့ဘဝတစ်သက်စာလို့
စဉ်းစားစိတ်ကူးယဉ်ထားခဲ့သမျှ
အလွမ်းတွေသာ ကျေနပ်စွာခံယူလို့
အထီးကျန်မှုကိုပွေ့ဖက်လို့
ထိန်းထားတဲ့ မျက်ရည်တွေ
ညတိုင်းကျနေခဲ့တာတွေရော ….
*မင်းဘက်ကတော့ ဥပေက္ခာဆိုတဲ့
အရာတစ်ခုကို လက်ကိုင်ထားလို့
ဘယ်လောက်ပဲ ရက်စက်ခဲ့ပါစေ
အလိုချင်ဆုံးတောင်းဆုတစ်ခုကို
တောင်းလို့ ပြည့်ဝရကြေးဆိုရင်
ငါ့ဘက်က ချက်ချင်းပဲ
တောင်းဆုတစ်ခုပြုလိုက်ချင်ပါရဲ့
အသက်လောက် ဘဝနဲ့ထပ်တူ
“ချစ်ခဲ့ရသော ချစ်သူတစ်ယောက်
ထာဝရပျော်ရွှင် ငြိမ်းချမ်းပါစေ ………….”
(2011 တုန်းက Facebook မှာ တင်ထားတဲ့ ကဗျာဟောင်းလေးပါ ... )
မိုးညချမ်း
14.10.2011 (11:57 a.m)