“သင်ခန်းစာ”

*“တောက်”တစ်ချက်ခေါက်သံနဲ့အတူ

အဝေးဆုံးကို ငါထွက်ပြေးသွားချင်တယ်

လူတွေရဲ့ လောဘ၊ ဒေါသ၊ အတ္တနဲ့မာန်မာနတွေကြားမှာ

ငါအသက်ရှူ ရှင်သန်နေရတာ မောပန်းနွမ်းဟိုက်လာတယ် …။

*ရေနစ်သူကို ကူညီပေးမယ်မရှိဘူး

၀ါးကူထိုးဖို့လူတွေကတော့ ဒုနဲ့ဒေး

ခင်ဗျားတို့သိထားတဲ့ ဒီလောကဆိုတာက

နုံအအ ထုံဖျင်းနေတဲ့လူသားတွေနဲ့ချည်း

ရှင်သန်နေတာမဟုတ်ဘူး …။

*“လူသားချင်းစာနာစိတ်”ဆိုတာ

အသိဉာဏ်ရှိတဲ့သူတိုင်း နားလည်တတ်မယ်ထင်ခဲ့တာ

တစ်ကယ့် တစ်ကယ်တော့ အပေါ်ယံအရေခွံခြုံပြီး

ပြုံးနေကြသူတွေအများကြီးဆိုတာ

ကျုပ်သိခဲ့တာ သိပ်မကြာသေးလို့

မှီသလောက်ဉာဏ်နဲ့ ဗဟုသုတလေးများရချင်သမို့

ဖြစ်နိုင်ရင်လေ ထူးဆန်းစရာတွေပြည့်နှက်နေတဲ့

ဒီလောကကြီးနဲ့ လူတွေအကြောင်းသင်ခန်းစာတွေကို

များများပို့ချပေးကြစမ်းပါ …။

မိုးညချမ်း

22.11.2012 (2:05 p.m)