လွန်လေပြီးသောအတိတ်

*ငါတို့နှစ်ယောက်အတူ

ကြယ်တွေကို ရေတွက်ခဲ့ဖူးတယ် …။

*ကန်ရေပြင်စပ်မှာထိုင်ရင်း

လမင်းကြီးကို ငေးကြည့်ခဲ့ဖူးတယ် …။

*တစ်ယောက်ပခုံးပေါ်

တစ်ယောက်မှီလို့

ကြည်နူးစရာတွေပြောခဲ့ဖူးတယ် …။

*ရင်ခွင်ထဲမျက်နှာအပ်လို့

နာကျင်ငိုကြွေးစရာတွေ

ရင်ဖွင့်ခဲ့ဖူးတယ် …။

*တစ်ယောက်လက် တစ်ယောက်တွဲလို့

ခရီးကြမ်းတွေကို ဖြတ်ကျော်ခဲ့ဖူးတယ် …။

*တစ်ယောက်မျက်နှာ တစ်ယောက်ကြည့်လို့

ဘဝအမောတွေ ပြေစေခဲ့ဖူးတယ် …။

*ဒါပေမယ့်လည်း ခုချိန်မှာ

အတိတ်က အရာရာတိုင်းဟာ

အဝေး အဝေး ဟိုးအဝေးမှာ …….။

မိုးညချမ်း

2.10.2012 (1:25 p.m)