ယခင်နဲ့ယခုကွာခြားချက်

*ဟိုအရင်က အချစ်ဆိုတာကို လှောင်ရီစရာတစ်ခုအဖြစ် ယုံကြည်ခဲ့သူတစ်ယောက်

ခုချိန်မှာ အချစ်မရှိရင် သေသွားမလားတောင် ထင်ရသူတစ်ယောက်

* ဟိုအရင်က ဘယ်ယောကျ်ားကိုမှ အထင်မကြီးတတ်ခဲ့သူတစ်ယောက်

ခုချိန်မှာ မင်းကိုမှအထင်ကြီးလေးစားမိသူတစ်ယောက်

*ဟိုအရင်က လေသံမာမာနဲ့ပြောရင်တောင် စိတ်ဆိုးစိတ်နာတတ်ခဲ့သူတစ်ယောက်

ခုချိန်မှာ မင်းမျက်နှာတင်းသွားတဲ့အခါ ပြေးစရာမြေမရှိတော့လောက်အောင်ဖြစ်နေသူတစ်ယောက်

*ဟိုအရင်က ဘယ်သူမှဂရုမစိုက်ရင်တောင် တစ်ယောက်တည်းနေတတ်ခဲ့သူတစ်ယောက်

ခုချိန်မှာ မင်းမရှိရင် အသက်တောင်မရှူချင်တော့သူတစ်ယောက်

*ဟိုအရင်က အရာရာကို ကိုယ်သာဦးဆောင်ချင်သူတစ်ယောက်

ခုချိန်မှာ မင်းဦးဆောင်ရာနောက်ကိုပဲ ကျေနပ်စွာလိုက်ပါချင်သူတစ်ယောက် …

*ဟိုအရင်က ပထမဦးဆုံးမဟုတ်ရင် စိတ်နာတတ်သူတစ်ယောက်

ခုချိန်မှာ နောက်ဆုံးဆိုတဲ့အရာကိုသာ မျှော်လင့်တောင့်တနေသူတစ်ယောက် ..

*ဟိုအရင်က အတ္တ၊ မာန သိပ်ကြီးသူတစ်ယောက်

ခုချိန်မှာ မင်းရှေ့ အခါခါဒူးထောက်ကျရှုံးချင်နေသူတစ်ယောက် …..

*ဟိုအရင်က ငါအတွက်ငါ လို့တွေးခဲ့သူတစ်ယောက်

ခုချိန်မှာ အချိန်တိုင်းမင်းအတွက်ပဲ တွေးနေတတ်သူတစ်ယောက် …

ငါကိုယ်တိုင် အံ့သြစွာနဲ့ပဲ ငါ့ပုံစံ .. ငါ့အတွေးနဲ့ ဆန့်ကျင်ဘက်တွေဖြစ်လာခဲ့ပေမယ့် ..

ကျေနပ်စွာလက်ခံနေသူပါ ……….. ချစ်သူ …….

ဒါတွေအားလုံးကို ချစ်သူမသိရင်တောင်မှ တစ်စိတ်တစ်ဒေသလေးတွေကို

အသိအမှတ်ပြုပေးရင် ဘဝမှာနေပျော်သွားပါပြီ …………. ချစ်သူ …

မိုးညချမ်း (သူရဲလေးကောင်)

24.3.2011 (Thur) 9.00 AM