''လွမ်းလွန်းလို့ရေးမိတဲ့ကဗျာ''

* ဒီည ဒီညလေးမှာပဲ

တို့နှစ်ယောက်ရဲ့ နှလုံးသားတွေ

တစ်ထပ်တည်းကျခဲ့တာ …

* အလွမ်းတွေဘောင်ဘင်ခတ်

ဘယ်ဘက်ရင်အုံမှာ တဆစ်ဆစ်နဲ့

အသည်းကွဲခြင်းကို တယုတယထွေးပွေ့ဖို့

ဘယ်သူက နင့်နင့်နဲ့နဲ့ချစ်ဖူးခဲ့လဲ?

* အတူထိုင်နေကြ ခုံပြာတန်း

အတူလျှောက်နေကြမြေနီလမ်းဆိုတာတွေကို

ကဗျာတွေ စာတွေမှာပဲ ဖတ်ဖူးခဲ့တာ …

* တစ်ကယ်တမ်း ငါတစ်ယောက်တည်း

မြေနီလမ်းမှာလျှောက်ရင်း

ခုံပြာတန်းလေးမှာ ထိုင်မိတဲ့အခါ

အလွမ်းသံစဉ်တွေက

ထိန်းမရအောင် ပေါက်ကွဲထွက်ကုန်တယ် …

* နောက်လူရင်မှာ မင်းပျော်လား?

ငါတိုးတိုးလေးညည်းမိတဲ့အခါ

ငါသိခဲ့ရတဲ့သတင်းတစ်ခုက

''မင်းလောက် ကိုယ့်အပေါ် ဘယ်သူမှမကောင်းဘူး''တဲ့လားကွယ် …

မိုးညချမ်း

4.4.2013 (11:50 a.m)