တစ်နေ့နေ့

*ငါမင်းကို ချောလို့ချစ်ခဲ့တာမဟုတ်ပါဘူး

ချစ်လို့ချောခဲ့တာပါ …

*ငါမင်းကို အထင်ကြီးလို့ချစ်ခဲ့တာ မဟုတ်ပါဘူး

ချစ်လို့အထင်ကြီးခဲ့တာပါ …

*ငါမင်းကို အားကိုးချင်လို့ ချစ်ခဲ့တာမဟုတ်ပါဘူး

ချစ်လို့ အားကိုးချင်ခဲ့တာပါ …

*ငါမင်းကို လက်ထပ်ချင်လို့ချစ်ခဲ့တာ မဟုတ်ပါဘူး

ချစ်လို့လက်ထပ်ချင်ခဲ့တာပါ …

*ငါမင်းကို ရယူခြင်းမျိုးတွေနဲ့ ချစ်ခဲ့တာမဟုတ်ပါဘူး

ပေးဆပ်ခြင်းတွေနဲ့သာ ချစ်ခဲ့တာပါ …

*မင်းကို မျှော်လင့်ခြင်းတွေနဲ့ ချစ်ခဲ့တာမဟုတ်ပါဘူး

ချစ်လွန်းလို့ မျှော်လင့်မိသွားတာပါ …

*မင်းကိုငါ မချစ်လို့စွန့်လွှတ်ခဲ့တာ မဟုတ်ပါဘူး

မင်းနာကျင်မှာစိုးလို့ ငါရင်နာစွာနဲ့ စွန့်လွှတ်ခဲ့ရတာပါ …

*မင်းကိုငါ မချစ်တော့တာမဟုတ်ပါဘူး

ငါ့အချစ်တွေက မင်းအတွက်အနှောက်အယှက်ဖြစ်မှာစိုးလို့

မချစ်ချင်ယောင်ဆောင်လိုက်ရတာပါ …

*အချိန်တွေ၊ နာရီတွေ၊ နေ့ရက်တွေသာ

ပြောင်းချင်ပြောင်းသွားလိမ့်မယ်

ငါ့အချစ်၊ ငါ့ရင်ခွင်၊ ငါ့နှလုံးသားတွေဟာ

မင်းအတွက်ပဲနော် …

*မင်းမှာနာကျင်စရာတွေများလာတဲ့တစ်နေ့

ငါ့ရင်ခွင်မှာ နားခိုရင်း

ငါ့နှလုံးသား ငါ့အချစ်တွေကို

ပြန်လည်အသိအမှတ်ပြုဖို့

မမေ့ပါနဲ့ ချစ်သူ …။

မိုးညချမ်း

11.6.2012

(1:30 p.m)