ဇွန်တခုရဲ့မိုးစက်

မပီဝိုးတိုး ဆည်းဆာရောတဲ့

မယုံမရဲ ဆုံဆည်းမှုက

ရေစက်တစက်ဆိုရင်

ဇွန်တခုရဲ့မိုးစက်လေးတော့ဖြစ်ပါစေ ...

ဝသန်ဦးရဲ့  မိုးစက်လေးရေ ...

သူရိန်ခက်ဖြာ လေးရူးသွဲ့လို့

စီးမျောလိုက်ပါ လွင့်ပြယ်မယ်ဆို

ရောင်ခြည်ဖွဖွ သံစဉ်ထက်မှာ

တွဲခိုရစ်သီ မှေးစက်ပါလေ ...

မိုးစက်လေးရေ ...

သက်ဝင်နိုးထ အရောင်စုံလို့

ထိုးဆင်းပျံသန်း ဝေ့ဝဲမယ်ဆို

အလွမ်းကာရံ မိုးခြိမ်းသံနဲ့

ရင်ခုန်သံစဉ် တေးသီဟစ်ဖို့

ကြင်နာလျှပ်ပန်း သဲ့သဲ့လေးတော့ လင်းလက်ပါလေ ....

မိုးစက်လေးရေ ...

ရွာသွန်းပြေးဆော့ စိတ်တိုင်းကျတော့

နွမ်းလျမောပန်း မိုးပြေးလည်းစဲ

ရှစ်ခွင်တိမ်တောင် နေညိုတာနဲ့

ရင်ခွင်ဝေ၀ါး တမ်းတခဲ့သော်

အလွမ်းလက်ကျန် ရောင်စဉ်သက်တန့်

ခပ်လဲ့လဲ့လေး ဖြန့်ကျတ်ရုံနဲ့

ဇွန်တခုရဲ့  ညနေကိုမှေးစက်ပါလေ ...။

 

waiphyojune 

31.03.2010