“မလွမ်းကြကြေး”

*ကြွက်ကိုက်သွားတဲ့ ဒိန်ခဲတစ်ခြမ်းပဲ့ကို

ငါဆက်မစားတော့ဘူး ချစ်သူ …။

*ခြစားသွားတဲ့ ငါ့အိပ်မက်တစ်ဝက်တစ်ပျက်ကို

ဆက်မမက်တော့ဘူး ချစ်သူ …။

*လွမ်းတတ်လွန်းတဲ့ ငါ့ရင်ခုန်သံတွေလည်း

လမ်းတစ်ဝက်မှာ ဘရိတ်ပေါက်ပြီး အိပ်ပျော်သွားပြီ

မလွမ်းတတ်တော့ဘူး …။

*ရက်စက်လိုက်တာလို့ နင့်ကိုငါမပြောချင်ပေမယ့်

စာနာမှုကင်းမဲ့တတ်တာတော့ နင့်ကိုယ်နင်သိမှာပါ …။

*အခုအရာရာ ဆောင်းတွင်းအိပ်မက်ဖြစ်သွားပြီနော်

သေချာပြီဆိုရင်တော့ …

မလွမ်းကြေးပေါ့ ….။

(မှတ်ချက်။   ကျွန်မစိတ်ခံစားချက် စိတ်ကူးအပိုင်းအစတစ်ချို့ကို

ချစ်မောင်လေး ကဗျာဆရာအသစ်“တိမ်ညို”လက်ဆောင်ရေးဖွဲ့ပေးထားတဲ့ ကဗျာလေးပါ  … )

တိမ်ညို

22.8.2012 (12:00 P.M)