ကမ္ဘာတည်သရွေ့

-->

*ကောင်းချည်တစ်လှည့်၊ ဆိုးချည်တစ်ဖုံ 

နိမ့်ချည်တစ်လှည့်၊ မြင့်ချည်တစ်ဖုံ 

ထိုသို့ ထိုသို့ လူ့ဘဝအစုံမှာ 

“အိုုခြင်း၊ နာခြင်း၊ သေခြင်း”တရားကို 

မလွဲဧကန် ကြုံရမည်ကိုး …။

*ငါတို့ပညာ၊ ငါတို့စေတနာ 

ငါတို့မေတ္တာ ဝေမျှပါလို့ 

တူညီတွဲလက် မြဲခဲ့ကြပြီ …။

*သက်ကြီးရွယ်အို၊ နေဝင်ချိန်ကို 

လှပစေမည်၊ တို့တတွေသည် … 

ကလေးငယ်ဘဝ၊ သာယာလှပ 

မေတ္တာဓါတ်နဲ့ နွေးစေမည် …။

*ငိုသူနှစ်သိမ့်၊ စာနာစိတ်ဖြင့် 

ဖေးမကူညီ၊ ရည်ရွယ်တူသည် 

ကမ္ဘာတည်သရွေ့၊ ခိုင်မြဲပါစေ့သား …။

(မှတ်ချက်  ။ မိမိတတ်စွမ်းတဲ့ ပညာ၊ ဂရုဏာ၊ စေတနာမေတ္တာအပြည့်နှင့် စွမ်းစွမ်းတမံပေးဆပ်နေကြတဲ့ ကျွန်မခင်မင်ရသော ပရဟိတနယ်ပယ်အသီးသီးက ချစ်မောင်နှမများအတွက် ရေးလိုက်တဲ့ကဗျာလေးပါ …)

မိုးညချမ်း

30.9.2012 (1:30 p.m)