အကြည့်

  *သူ့ကို ခိုးကြည့်မိလို့ 

သူမိသွားတဲ့အခိုက်

သူ့ကို ရှက်ပြုံးလေးပြုံးပြရင်း

မျက်နှာလွှဲခဲ့တယ် ...။

*သူနဲ့မျက်လုံးချင်းဆုံတော့

သူ့မျက်ဝန်းနဲ့ အပြုံးအောက်မှာ

အရည်ပျော်ကျခဲ့ရတယ် ...။

*သူ ... ဘယ်ကလည်း

ဘယ်မှာနေလည်း

ဘာတစ်ခုမှ မသိခဲ့ရပေမယ့်

ရင်ခုန်သံ တဒိတ်ဒိတ်နဲ့

အတွေးနက်နက်မှာ

လွင့်မျောသွားခဲ့ဖူးတယ် ...။

*နီးစပ်ခွင့်ရမှာလား?

စိတ်ကူးယဉ်အပိုင်းအစတစ်ချို့နဲ့

ပိုင်ဆိုင်သူရှိနှင့်နေမှာလည်း

စိုးထိတ်ခြောက်လှန့်မိပြန်တော့

ကဗျာတစ်ချို့ပျံ့လွင့်သွားမိပြန်ပြီပေါ့ ...။

*ခပ်ပါးပါးစိတ်အတွေးတစ်ချို့နဲ့

ခပ်များများ မမျှော်လင့်ပါဘူး

ခင်မင်ခွင့်လေးတစ်ခုနဲ့ မင်းအနားမှာ

ခစားခွင့်သာ လိုချင်မက်မောမိသူပါ ...။

 မိုးညချမ်း

25.9.2012(5:24 p.m)