တိုးတိုးတိတ်တိတ်အလွမ်း

*မိုးတွင်းရဲ့ ညဉ့်နက်နက်မှာ

အိပ်စက်ခြင်းဆိုတာက

ငါ့အတွက်ရန်သူဖြစ်နေလေတော့

ကော်ဖီခါးခါးတစ်ခွက်နဲ့

ငါ့အတွေးတွေကို နယ်ချဲ့မိလိုက်ပြန်ပေါ့ ...။

*မင်းနဲ့ငါ့ရဲ့ ချစ်ခြင်းတွေက

အဓိပ္ပါယ်မဲ့စွာနဲ့ အဆုံးသတ်သွားခဲ့တယ်တဲ့လား ...။

*အသက်ရှူလိုက်တဲ့

ဝင်သက်ထွက်သက်တိုင်းဟာ မင်းနဲ့နီးလေမလားဆိုတဲ့

မျှော်လင့်ချက်တွေကို ဖန်တီးနေမိလေတော့

ငါ့ရှင်သန်မှုကိုတောင် မုန်းတီးလာမိတယ် ...။

*ဘာပဲဖြစ်ဖြစ် ဘာပဲဖြစ်ဖြစ်ပေါ့ ချစ်သူ

မင်းနာမည်ကို တိုးတိုးလေးရေရွှတ်လို့

ခိုးခိုးပြီးတော့ လွမ်းမိသားကွယ် ...။

မိုးညချမ်း

3.7.2012 (6:15 p.m)