ချစ်သူရေးတဲ့ ကဗျာ

လူအဖြစ်ကိုပြန်လည်ရရှိစေတဲ့ ဝရန်တာလေး၊

ညညဆို ခဏခဏနိုးတတ်တဲ့

ဇီးကွက်တစ်ပိုင်းမလေးနေထိုင်ရာ၊ အိမ်ပြူးပြူးလေး.....

အိပ်စက်နေသလား၊

မောင့်ကို နင့်နင့်သီးသီးမုန်းတီးနေသလားကွယ်.....

စည်းရိုးတံခါးပိတ်ထားပေမယ့်၊

ပြတင်းဝကတော့၊ သခင်မကို လရောင်ဖျန်းရင်း၊

လေပြည်နဲ့ ချော့သိပ်နေလေရဲ့.....

လမ်းမကြီးရဲ့အထီးကျန်မှုကို

မချိပြုံးတောင် မစွန့်ကျဲခဲ့နိုင်တဲ့အကောင်.....

လွန်ခဲ့တဲ့ တစ်နာရီက ဘီယာဟောင်းနဲ့

အိပ်ပျက်အောင်ကို ခေါင်းကိုက်ပစ်လိုက်တယ်.....

အိပ်မက်ခွင့်တော့ ပြုဦးကွယ်.....

*(ဘာရယ်မဟုတ်ပါဘူး ...တစ်ချိန်က ချစ်သူရေးပေးတဲ့ကဗျာလေးပေါ့ ...

ချစ်သူကိုလွမ်းလို့ တင်လိုက်တာပါ ...)

Doyou Knowme

28.5.2011(1:00 a.m)